Raspberry Pi Buying Guide in Sri Lanka

Raspberry Pi කියන්නේ පාසල් සහ විශ්ව විද්‍යාල අධ්‍යාපනය ලබන දරුවන්ගේ පරිඝනක දැනුම සහ සිතීමේ හැකියාව වැඩිදියුණු කරන්න උදව් වෙන්න නිර්මාණය කරපු පුංචි computer එකක්. මෙය laptop computer එකකටත් වඩා පුංචියි! නමුත් Raspberry Pi එකට කරන්න පුළුවන් දේවල් සීමා කරලා පෙන්වන්න හරිම අමාරුයි, මොකද මෙය භාවිතා කරලා පුදුම හිතෙන දේවල් කරන්න පුළුවන්. ආරම්භයේ දී ළමුන් වෙනුවෙන් නිර්මාණය වුවත් වර්තමාන computer, robotics, electronics වැනි ක්ෂේත්‍ර වල ඉන්න ඉංජිනේරුවෝ පවා මෙය ඔවුන්ගේ නිර්මාණ වලට බහුලව යොදා ගන්නවා. ඊට ප්‍රධානම හේතු වෙන්නේ මෙය ඉතා පහසුවෙන් program කර භාවිතා කල හැකිවීම සහ වියදම අඩු වීමයි. වර්තමානයේ දී විවිධ යෙදීම් සඳහා සෑදුන විශේෂ Raspberry Pi මාදිලි කීපයක්ම දැකගන්න පුළුවන්. මේ ගැන ඉගෙන ගන්න ආස කෙනෙක්ට මුලින්ම තියෙන ප්‍රශ්නය වෙන්නේ "මේවා අතරින් මට හොඳටම ගැලපෙන model එක තෝරාගන්නේ කොහොමද?" කියන එක. අන්න ඒ නිසා තමයි මේ Raspberry Pi buying guide එක ඔයාලා වෙනුවෙන් ලිව්වේ. නව නිර්මාණ කරන්න කැමති ශ්‍රී ලංකාවේ ඉන්න ඔබට ගැලපෙන Raspberry Pi එක තෝරා ගන්න මේ සටහන ප්‍රයෝජනත්ව වේවි කියලා අපි හිතනවා.

Raspberry Pi සදා තියෙන්නේ Broadcom ආයතනය නිෂ්පාදනය කරන ARM processor එකක්, 512MB හෝ ඊටත් වඩා වැඩි RAM Memory එකක් සහ පහසුවෙන් program කළහැකි I/O System එකක් තනි circuit එකකට සම්බන්ධ කරලා. ඒ නිසා මෙය පරිගණකය තියෙන්න ඕනේ මූලික අංග සියල්ලම එකට එකතු කරලා තියෙන motherboard එකක් වගේ. Raspberry Pi එකට සාමාන්‍යය computer එකක් මෙන් OS එකක් install කරලා ඒ මත අපිට අවශ්‍ය software applications run කරන්න, සින්දු අහන්න, games සෙල්ලම් කරන්න වාගේම internet පරිහරණය වැනි දෑ පහසුවෙන් කරන්න පුළුවන්. අද වන විට Raspberry Pi නිර්මාණය කරන සංවිධානය මගින් විවිධ යෙදීම් සඳහා සෑදුන Raspberry Pi මාදිලි කීපයක්ම දැකගන්න පුළුවන්. පහතින් තියෙන්නේ එම models සහ ඒවා යොදාගන්නේ කුමන කාර්යයන් වෙනුවෙන්ද යන්න පෙන්වා දෙන කෙටි සටහනක්. මේ මාදිලි සියල්ලම ඔයාලට MakerStation එකෙන් අඩුම මිලට ගෙදරටම ගෙන්වා ගන්න පුළුවන්.